KAI MANCARI KAYU DI HUTAN

Suatu hari kai mancari kayu di hutan hari itu kai batabang pohon di pinggir sungai... karena kagancangan mailai kapak pas talapas gugur ka banyu... kai kada bisa bakunyung kada wani sidin banyalam, maka baisi kapak sabubutingannya, marista kai duduk di pinggir sungai sambil maingui sadih, kada lawas mancungul jin panunggu sungai, ujar jin “napa pian kai manangis” ujar kai “kapakku gugur, maka mun kadada kapak tu aku kada kawa bacari kayu” ujar jin “tanang haja pian ku cariakan” (jinnya liwar baikan)... clupp....jinnya banyalam, kada lawas timbul sambil bapingkutan kapak amas, ujar jin “neh kah kai kapak pian??” ujar kai “lain kapakku kada amas”... clupp... jinnya banyalam pulang, kada lawas timbul sambil bapingkutan kapak perak, ujar jin “neh kah kai kapak pian??” ujar kai “lain kapakku kada perak”... clupp... banyalam pulang jinnya, kada lawas timbul mambawa kapak buruk... ujar jin “neh kah kai kapak pian??” ujar kai “iya banar kapakku” ujar jin “karena pian jujur banar maka kubari kapak amas lawan perak” himung kai mambawa 3 kapak...

Esoknya kai lawan nini malunta mancari iwak di sungai itu pulang, pas kai manimbai tasangkut luntanya, karena kai kada bisa bakunyung, tapaksa nini nang bacabur banyalam mamacul lunta nang tasangkut, ditunggui nini kada timbul-timbul jua, sajam sudah nini banyalam, kai bingung handak banyalam jua tapi kada bisa bakunyung... marista kai taduduk sambil baingui, kada lawas datang pulang jin panunggu sungai, ujar jin “kanapa kai manangis” ujar kai “biniku tinggalam maka aku sayang banar” ujar jin “tanang haja pian kucariakan” clupp... jin banyalam kada lawas timbul sambil mambawa babinian kaya Julia Peres, ujar jin “neh kah kai bini pian” ujar kai “iya banar  tu biniku” ujar jin “kai !!! ternyata pian kada jujur lagi sebab ini lain bini pian,, kanapa kai??” ujar kai “aku ne bakaramput ada alasannya, mun bapadah lain kaina ikam surung saikung pulang kaya Dewi Persik, lalu mun kupadahakan lain pulang, hanyar ikam surung biniku nang bujur, ujung-ujungnya aku di suruh mambawa bulik ka 3 ikungnya, aku sudah tuha saikung Jupe gin lamas sudah, apalagi sampai 3 ikung kada sanggup jin nai,,,, hhee....   

Raja kai nih......     

                       

ORANG BONGOL UMPAT SUMBAHYANG

Seorang anak lelaki sudah hampir bujang tapi bungul kada sekolah, lalu ada tapikir dalam hatinya handak umpat sembahyang, bapadahai inya lawan umanya ujar umanya ikam turuti orang haja tuhai, kaya apa orang ujar umanya, lalu umpatai nang bungul sembahyang ka langgar, kanapa saf nang di muka talingsir batis lalu tatinjak ai lawan orang nang bongol, hanyar suah umpat sembahyang, marasa di tinjak orang yang di muka umpatai si bongol maninjak lawan nang di balakang jua, maka bakalahian lah limbah sembahyang, Nang bongol umpat sembahyang, "Wassalam"

Teka-Teki

    

- Daun apa nang kada bisa layu ???

SUPIR SALAH SANGKA

Di hulu sungai ada kampung nang bangaran mihi, laluai di terminal orang batakun lawan supir, ujar orang "motor nih kamihi kah" ? laluai supirnya baucap "jangan !! motor nih jangan dikamihi !! bau hancing, aku kada hakun, bila handak bakamih kalain haja ujar supir,,,,,??? Wassalam"

 

GANGGAM ABU NAWAS WANI KAMUHA RAJA

Ganggam Abu Nawas Wani Kamuha Raja

Abu Nawas Bajalan dihadapan Raja mamakai baju kima nang ganal-ganal, lalu ditagur oleh Raja, uma.. ai gaganalnya kima baju ikam tuh Abu Nawas ujar Raja, lalu dijawab oleh Abu Nawas, baju nang sabutingnya Raja ai kaya ganggaman ku nih kimanya ujar Abu Nawas handak manyuntulakan ganggam kamuha Raja, jaka kada bauling kana muha Raja ganggam Abu Nawas . . .

"Wassalam"

 

palui mainjam batu pa asahan di higa lawang

Si palui handak mainjam batu pa asahan parang lawan tatangganya, palui bapadah lawan nang abah, lalu disuruh nang abah anak bibini ma ambilakan dihiga lawang. sakalinya sipalui bapadah mainjam ampun nang anak, kada hakunai nang anak, tapi ditipu oleh sipalui, bapah lawan nang abah, ujar sipalui inya kada hakun mainjami ? julakai,? ujar nang abah injami ha. Tapaksa ai nang anak hakun batilanjang mainjami sipalui dihiga lawang. "Wassalam"

Gila sipalui nih mainjam batu anak julak dihiga lawang. "bongol luku"    

Mandi Wajib

Mandi Wajib
Limbah kawin, mandi ka batang banyu taumbai lawan bintuha, babacaan nai nang laki tabulik-bulik sabab was-was, lalu diju-ung oleh nang bini kabanyu, lalu tanyalam mai nang laki. sakali bangsul (timbul) nang laki baucap-pai Lillahita'ala.
"Wassalam"